बिरगंज ११ साउन / पर्सा जिल्लाको दोश्रो सदरमुकामको रुपमा चिनिने पोखरिया नगरपालिकाले बिहिवार एक कार्यक्रमका बीच पर्सा क्षेत्र नम्बर ४ बाट निर्वाचित सांसद् एवं उद्योग वाणिज्य तथा आपूर्ति मन्त्री रमेश रिजाललाई स्वागत तथा सम्मान गरेको छ ।
पोखरिया नगरपालिकाका नगर प्रमुख प्रद्युमन प्रसाद चौहानको सभापतित्वमा भएको सो कार्यक्रममा प्रमुख अतिथि मन्त्री रमेश रिजालले पर्सामा औद्योगित क्षेत्रको विकास र पोखरियामा जिल्ला स्थित कार्यालयहरुको शाखा स्थापनामा आफ्नो महत्वपूर्ण भुमिका रहने बताए । उनले आफु यसै जिल्लाको भएको हुनाले पर्सा जिल्लाको हरेक कामलाई गम्भीरतापूर्वक लिई अगाडि बढने दाबी गरे ।
सो कार्यक्रममा नगरपालिकाका प्रमुख प्रशासकीय अधिकृत देवेन्द्र सापकोटा, वडा अध्यक्षहरु प्रमोद गिरी, केदार महतो चाई, रामप्रवेश महतो चाई, लक्ष्मण साह कानु, महेन्द्र महतो चाई, सियानन्द प्रसाद चौहान, प्रमानंद प्रसाद पटेल, नौसाद आलम, कार्यपालिका सदस्य राधा साह कानु, रामबचन महतो, जगरनाथपुर गाउंपालिका अध्यक्ष श्रीकान्त यादव, नेपाली कांग्रेसका जिल्ला सह–सचिव नविन सिंह, नेता वशिष्टनारायण पटेल लगायतको सहभागीता रहेको थियो भने सो कार्यक्रमको सहजीकरण प्रसासन शाखा प्रमुख अजय श्रीवास्तवले गरेका थिए ।
