बिरगंज १२ श्रावण / पर्साको बिरगंज महानगरपालिका ११ श्रीपुरमा रहेको कुमुदिनी एकेडेमीमा माट्रिका आई फाउन्डेसनले नि:शुल्क आँखा परिक्षण सम्पन्न गरेको छ ।
लामो समय देखि पानी नपरेको कारण धेरैनै गर्मी बढे संगै विभिन्न किसिमका रोगहरु देखा परेका छन् । गर्मीका कारण आँखा पाक्ने रोग एउटा जटिल समस्याको रूपमा देखा परेको छ । उक्त रोग बिशेष गरि बालबालिकाहरुमा तीब्र रूपमा शरिरहेको डाक्टरले बताए ।
उक्त आँखा शिविरमा स्कूलका विद्यार्थी, शिक्षक शिक्षिकाहरुलाई लक्षित गरि आँखा पाक्ने रोग, आँखा कमजोर भएको, आँखा चिलाउने जस्ता रोगको चेकजाँच सहित औषधि वितरण गरेको छ । माट्रिका आँखा फाउण्डेसनका डाक्टर मनोरञ्जन यादवको टिमले आँखा जाँच गरेको थियो ।
उक्त शिविरमा करिब २०० जना विद्यार्थीहरुको आँखा चेक जाच गरिएको एकेडमीका प्रिन्सिपल एस एम जहाँगस्तले बताए ।कार्यक्रममा बिधालयका प्रबन्ध निर्देशक श्रीरामजी गिरी,शिक्षक शिक्षिका तथा पत्रकारहरुको उपस्थिति रहेको थियोे ।
माट्रिका आई फाउन्डेसन द्वारा कुमुदिनी एकेडेमीमा नि:शुल्क आँखा परिक्षण
