राजु चौरसिया// बारा-मंसिर – १७ –
बाराको महागढीमाई नगरपालिकाका नगरप्रमुख उपेन्द्र यादवले पञ्चबार्षिय कट्वासिमाइ मेलालाइ सभ्य एवम भव्य बनाउने बताउनुभयो । आज आइतबार बिहान ८ बजे महागढीमाई नगरपालिका वडा नं ७ तेलगाइ स्थित मेला मुल समिति कार्यालयको उद्घाटन तथा अन्तरकृया कार्यक्रमलाई सम्बोधन गर्दै नगरप्रमुख यादवले यस्तो बताउनु भयो ।
अन्तर्कृया कार्यक्रममा बाराका प्रमुख जिल्ला अधिकारी , जिल्ला प्रहरी कार्यालय बाराका प्रहरी उपरीक्षक, सरकारी तथा निजि कार्यालयका प्रतिनिधी लगायत सर्वसाधारण को उपस्थिति रहेको थियो । मध्य तराईका विभिन्न शक्ति पीठ मध्ये कटवासीमाई पनि एक प्रसिद्ध शक्ति पीठ हो ।
मेलामा पन्द्र लाख भन्दा बढी भक्तजन आउने अनुमान गरिएको छ । मेलामा आउने भक्तजनलाई आफ्नो ठाउँ बाट संरक्षण गरिदिनको लागि नगरप्रमुखले कार्यक्रमका सहभागी सबै सङ्ग आग्रह गर्नु भयो । कटवासीमाई मेला सम्पन्न भएपछि कटवासीमाई मंन्दिरको भब्य निर्माण गर्ने र यस क्षेत्रमा पनि विश्व प्रसिद्ध गढीमाई जस्तै पर्यटन र भक्तजन भित्र्याउने नगरप्रमुख यादवले प्रतिबद्धता गर्नु भयो । कटबासीमाई पञ्च बर्षिय मेला समितिमा बस्ने पदाधिकारीहरुलाई समेत इमनदारी पूर्बक काम गर्नको लागि प्रमुख यादवले प्रतिबद्धता गर्न लगाउनु भयो ।
