वीरगञ्ज, पौष १२
पर्साको पर्सागढी नगरपालिका वडा नम्बर ३ ब्रम्ह बाबा छठी घाटको छेउँबाट ३ ट्रेक्टर अवैध काँचो काठ प्रहरीले आज विहिवार पक्राउ गरेको छ ।
अवैध काँचो काठ तस्करी गर्ने उदेश्यले लुकाई छिपाई राखेको प्राप्त सुचनाका आधारमा ईलाका प्रहरी कार्यालय पटेर्वा सुगौलीका प्रहरी निरीक्षक रामराजा केसरीको कमाण्डमा गएको ७ जनाको तथा ईलाका प्रहरी कार्यालय एकटाँगाबाट आएको ४ जनाको सँयुक्त प्रहरी टोली सम्बन्धित ठाउँमा पुगी दुई अलग अलग ठाउँमा लुकाएर राखिएको करिब ३ ट्रेक्टर अबैध काँचो काठकमो चिरपट दाउरा बरामद गरी विन्दवासनी, कोईलाभार, बढनिहार साझेदारीमा बुझाएको छ ।
बरामद दाउरा साझेदारीका अध्यक्ष रिजवानुल हक अँसारी, सब डिभिजन रँगपुर पर्साका रेन्जर कपिलदेव यादवको रोहवरमा साझेदारीको जिम्मा लगाएको स्थानिय प्रहरीले जनाएको छ ।
