वीरगञ्ज, माघ ५
मधेस प्रदेश सरकारले आज शुक्रबार मधेस आन्दोलनमा सहादत प्राप्त गरेका ६३ जना सहिद परिवारलाई जनही ३/३ लाख र कम्बल प्रदान गरेको छ ।
आज बलिदानी दिवसको अवसरमा वीरगञ्ज स्थित नगर सभागृहमा आयोजित कार्यक्रममाका प्रमुख अतिथी समाजबादी पार्टी नेपालका अध्यक्ष उपेन्द्र यादवले सहिद परिवारलाई सो रकम बराबरको चेक तथा कम्बल हस्तान्तरण गर्नुभयो ।
कार्यक्रममा मधेस आन्दोलनका घाइतेहरुलाइ पनि अवस्था हेरि हेरि जनही रु १ लाख र २ लाख तथा यातायात खर्च बापत रु ४ हजार उपलब्ध गराइएको छ ।
साथै मधेस आन्दोलनमा अङ्गभङ्ग भएका धेरै जनाले आफुहरु सङ्ग भेदभावपूर्ण व्यवहार भएको गुनासो गर्दै मञ्चमै पुगेर विरोध जनाएका छन् ।
कार्यक्रममा सम्बोधन गर्ने क्रममा अधिकान्स वक्ताहरूले मधेसीको त्यो बलिदानी बिर्सन नसकिने र हाल प्राप्त संघीयता र राजनीतिक अन्य उपलब्धिहरु मधेस आन्दोलनकै परिणामस्वरूप प्राप्त भएको कुरामा जोड दिएका छन ।
