बीरगन्ज, माघ २३
पर्सा प्रहरीले स्रोत नखुलेको चार लाख रुपैयाँसहित बीरगन्जबाट एकजना युवकलाई पक्राउ गरेको छ ।
विशेष सूचनाको आधारमा जिल्ला प्रहरी कार्यालय पर्साबाट खटेको प्रहरिको टोलिले वीरगञ्ज घण्टाघरबाट बिरेन्द्र साह कलवार नाम गरेको एक जना युवकलाई पक्राउ गरेको हो । पक्राउ परेका कलवारलाइ चेकजाँच गर्ने क्रममा उनको साथबाट पाँच सय र एक हजार दरका नोटहरु गरि स्रोत नखुलेको नगद चार लाख रकम बरामद भएको जिल्ला प्रहरी कार्यालय पर्साले जनाएको छ ।
पक्राउ परेका कलवारमाथि आवश्यक अनुसन्धान भइरहेको जिल्ला प्रहरी कार्यालय पर्साले जनाएको छ ।
कलवारलाई जिल्ला प्रहरी कार्यालयको हिरासतमा राखिएको प्रहरी बताए ।
