वीरगञ्ज, माघ २७
जिल्ला प्रहरी कार्यालय बाराले अवैध लागु औषध गाँजा सहित पक्राउ परेको ३ जना युवकलाई हिजो शुक्रवार सार्वजनिक गरेको छ ।
पक्राउपर्नेमा पर्साको बहुदरमाई नगरपालिका वडा नं.२ निवसाी २५ वर्षीय अरुण मियाँ, वडा नम्बर ९ बैरिया निवासी ३२ वर्षीय विजय साह कलवार र वडा नम्बर ९ वैरियाकै २७ वर्षीय अरुण मियाँ अन्सारी रहेका छन् । इलाका प्रहरी कार्यालय परवानीपुरको टोलीले बाराको परवानीपुर गाउँपालिका वडा नम्बर ४ चैनपुरमा हेटौडा बाट विरगञ्ज तर्फ आईरहेको भे १ ज १२०४ नम्बरको आईस गाडीलाई चेकजाँच गर्ने क्रममा विहिवार दिउँसो २ः४० बजे उनीहरुलाई झोलामा लुगाएर लगिरहेको ८ किलोग्राम अवैध लागु औषध गाँजा सहित पक्राउ गरेको जिल्ला प्रहरी कार्यालय बाराले जनाएको छ । पक्राउ परेका तिनै जनालाई हिरासतमा राखी आवश्यक कानुनी प्रक्रिया अगाडी बढाइएको बारा प्रहरीले जनाएको छ ।
