वीरगञ्ज, फागुन ७
स्थानीय प्रशासनले आज वीरगञ्जमा अनिश्चितकालीन कर्फ्यु आदेश जारी गरेको छ ।
गत फागुन ३ गते रौतहटको इशनाथ नगरपालिकाको मोतिपुरमा दुई पक्षबीच भएको झड्पको विषयलाई लिएर आज दिउँसो वीरगञ्जमा भएको विरोध प्रदर्शनमा प्रदर्शनकारी हरु सङ्ग विवाद भइ झड्प हुनसक्ने अवस्था सृजना भएको अवस्थालाई मध्यनजर गर्दै जिल्ला प्रशासन कार्यालय पर्साले अहिले बेलुकी ५ बजे देखि अनिश्चितकालीन कर्फ्यु आदेश गरेको छ ।
जिल्ला प्रशासन कार्यालय पर्साले आज एक विज्ञप्ति जारी गर्दै पूर्वमा नगवा तथा बारा जिल्लाको सिमाना, पाश्चिममा तिलावे पूल उत्तरमा परवानिपुर र दक्षिणमा मितेरी पूल सम्म् कुनै प्रकारको सभा समारोह गर्न, भेला हुन वा हिडडूल गर्न नहुने गरि आदेश गरेको छ ।
