वीरगञ्ज, चैत्र ११
फागु पूर्णिमा (होली) पर्व मनाउने क्रममा कसैसँग उत्श्रृङ्खल गतिविधी नगर्न पर्सा प्रहरीले अनुरोध गरेको छ ।
पछिल्ला दिनहरुमा होलीको बहानामा कसैमाथि जबरजस्ती फोहर पदार्थ फाल्ने, लोला हान्ने, हिलो छयाप्ने, अभद्र व्यवहार गर्ने लगायतका विकृतिहरु बढ्दै गरेको देखिएकोले यस्ता गतिविधी गरे कानुनी कारवाही गर्ने समेत जिल्ला प्रहरी कार्यालय पर्सा द्धारा जारी विज्ञप्ति मार्फत अनुरोध गरेको छ ।
विशेष गरी तराई मधेश तिर यो प्रवृति हाबी हुँदै गएको देखिएको छ । होलि पर्व आपसी भाईचारा तथा मेलमिलापको पर्व भएकोले वर्षौ देखिको तिक्तता हटाई सामञ्जस्यता कायम गर्ने उत्सवको रुपमा यो पर्व मनाउनका लागि समेत जारी विज्ञप्तिबाट अनुरोध गरिएको छ ।
