मनोज गुप्ता//बिरगंज,बैशाख ५
१३० किलो लागुऔषध गांजा सहित ७ जनालाई नेपाली सेना र पर्सा राष्ट्रिय निकुञ्ज प्रशासनको सयुक्त गस्ती टोलिले पक्राउ गरेको छ ।
पक्राउ पर्नेमा जिल्ला मकवानपुर कैलाश गाउँपालिका वडा नं.४ का बम बहादुर चेपाङ, विरमान प्रजा, हरि कुमार प्रजा, राक्सिराङ गाउँपालिका वडा नं. ७ का टिकाराम प्रजा, मनहरी गाउँपालिका वडा नं. ५ का दिपक थापा मगर, वडा नं. ३ को रामहरी लुईटेल र एक जना नाबालक रहेको प्रहरीले बताएको छ ।
हिजो मंगलबार अन्दाजी साढे दुई बजेको समयमा पर्सा राष्ट्रिय निकुञ्ज अन्तर्गत पर्ने पदमपोखरी सेक्टर लामिटारबाट उनिहरुलाइ पक्राउ गरिएको निकुञ्ज प्रशासनले जनाएको छ । नेपाली सेना र पर्सा राष्ट्रिय निकुञ्ज प्रशासनको सयुक्त गस्ती टोलिले गस्ती गर्दै जाने क्रममा पर्सा राष्ट्रिय निकुञ्जको मध्यवर्ति इलाकामा लागू औषध गाँजा बोकी गइरहेको भनि सुचना प्राप्त हुना साथ जिल्ला प्रहरी कार्यालय मकवानपुर र इलाका प्रहरी कार्यालय नेवारपानिबाट गएको संयुक्त प्रहरी टोलिले हरुलाई नियन्त्रणमा लिई थप अनुसन्धान कार्य भईरहेको जिल्ला प्रहरी कार्यालय मकवानपुरले जानकारी गराएका छन ।
