आज आषाढ १५ गते, राष्ट्रव्यापी रुपमा रोपाई दिवँस मनाइँदै

मनोज गुप्ता,  वीरगञ्ज, आषाढ १५
आज आषाढ १५ गते देशैभरी रोपाईँ दिवस मनाईदै छ । देशभरीकै अधिकाँश गाउँपालिका नगरपालिका तथा कृषि विकास कार्यालय र क्षेत्रिय कृषि अनुसन्धान कार्यालयहरुले रोपाई गरी दही चिउरा खाई ख्वाँइ रोपाई दिवस मनाएका छन् । दही चिउरा खाने दिनको रुपमा प्रसिद्ध रहेको आषाढ १५ अर्थात रोपाइँ दिवस आज पर्साका पनि विभिन्न पालिका तथा क्षेत्रिय कृषि अनुुसन्धान केन्द्र नार्क परवानीपुरले पनि रोपाई गरेर दही चिउरा ख्वाई यो दिवस मनाएको छ ।
त्यस्तै बाराकोे विश्रामपुर गाउँपालिकाले पनि आज रोपाईँ दिवसको अवसरमा धान रोपाईँ गरी दही चिउरा ख्वाएर यो दिवस मनाएको छ । गाउँपालिकाका अध्यक्ष जुल्फकार अलि भुटो(जुवैर भाई) को नेतृत्वमा भएको रोपाई दिवसको कार्यक्रममा पालिकका कर्मचारी, स्थानिय जनप्रतिनिधीहरु तथा सर्वसाधारणको व्यापक सहभागिता रहेको थियो ।