सँजय गुप्ता, वीरगञ्ज, आषाढ १५
जिल्ला जनस्वास्थ्य कार्यालय पर्साले असारे बजेट सकाएझै कार्यक्रम सँचालन गरेको जस्तो पकृया पुरा गर्दै बजेट सकाउनमा व्यस्त रहेको देखिएको छ । आर्थिक वर्ष सकिन लाग्दा बजेटलाई जसरी पनि सकाउनुपर्ने उदेश्यका साथ आर्थिक वर्षको अन्त्यतिर आएर ब्यानरमा मिती नै नराखीकन कार्यक्रम सम्पन्न गरेको देखिएको छ ।
आर्थिक वर्षको विचमा गर्नुपर्ने जुका, मलेरिया, कालाजार, जुका, ईन्सेफ्लाईटिस तथा औषधि छिरकाउ गर्ने टंकी हस्तान्तरण कार्यक्रम आज आर्थिक वर्ष सकिन १५ दिनमात्र बाँकी रहेको अवस्थामा विदाको दिन पारेर हतार हतार पर्साको विन्दवासनी गाउँपालिकामा मिती नराखेको रेडिमेड व्यानरमा सम्पन्न भएको छ । एक वर्षको बिचमा यो कार्यक्रम किन हुनसकेन भनेर नियमक निकायले किन सोध्न सकेत भने प्रश्न यहाँ देखिएको छ ।
रु. १ लाख १४ हजार को औषधि र रु. १२ हजारको ५ वटा ट्याङ्की गरी रु १ लाख २६ हजारको सामग्री वितरण गरिएको कार्यक्रम सञ्चालकको रुपमा आएका जिल्ला जनस्वास्थ्य कार्यालय पर्साका एकमात्र प्रतिनिधी जयमोद ठाकुरले बताए । कार्यक्रममा गाउँपालिकाका ५ वटा वडाध्यक्षहरुमध्ये २ जनाको मात्र सहभागिता रहेको थियो भने ब्यानरमा मिती नभएकोमा सहभागिहरुले कार्यक्रम प्रति आशँका व्यक्त गरेका छन् ।
यस्ता सरकारी निकायहरुको लापारवाही र गैरजिम्मेवारीपूर्ण रवैयाका कारण देश दिनप्रतिदिन भ्रष्टाचारको भूमरीमा फस्दै गईरहेकोले आम नागरिक समयमै सचेत हुनुपर्ने आवश्यक्ता रहेको सर्वसाधारणको बुझाई रहेको छ ।
