मनोज गुप्ता/वीरगञ्ज, श्रावण १९
प्रहरी चौकी मुसहर्वा बाराले आज करिब २०० लिटर अवैध घरेलु मदिरा नष्ट गरेको छ ।
बाराको बिश्रामपुर गाउँपालिका वडा नम्बर ४ बलिरामपुरमा अवैध मदिरा बिक्रि वितरण गर्ने १०/१५ वटा जति मदिरा भठ्ठिमा छापामारी आज बेलुकी ६ बजे सो परिमाणको मदिरा नियन्त्रणमा लिइ नष्ट गरिएको हो ।
प्रहरीले चौकी मुसहर्वाका इन्चार्ज प्रहरी नायब निरीक्षक रबिन्द्र साह तुरहाको कमान्डमा गएको प्रहरी टोलि बरामद गरेको सो मदिरा स्थानीय वडाध्यक्ष किशोरी साह तुरहा, स्थानीय बासी तथा सञ्चारकर्मीहरुको रोहबरमा नष्ट गरेको प्रहरी चौकी मुसहर्वाले जनाएको छ ।
