वीरगञ्ज, पौष १५//
गुरुङ समुदायको प्रमुख चाड तमु ल्होसार आज देशैभरी धुमधामका साथ मनाइएको छ ।
आफ्नो सास्कृतिक पहिचानको रूपमा रहेको तमु ल्होसार पर्वले विश्वमै गुरुङ जातिलाई चिनाएको तथा गुरुङ जातिका मानिसहरु जहाँ भएपनी यो पर्व उसको लागि विशेष हुने गरेको यश समुदायका व्यक्तिहरु बताउँछन् ।
परापूर्वकाल देखि नै गुरुङ जातिका व्यक्तिहरुको जीवन सङ्ग यस पर्वको गहिरो सम्बन्ध रहेको बताइन्छ । तमु ल्होसार अर्थात आजकै दिनदेखि गुरुङहरुको नयाँ वर्षको सुरुवात पनि हुने गर्छ ।
हरेक वर्ष आजकै दिनदेखि ल्हो परिवर्तन हुने परम्परा अनुसार आज पूरानो ल्हो लाई विदाई गरिएको छ भने आज देखि शुरु भएको सप्री ल्हो को विधिवत रुपमा विभिन्न कार्यक्रमका साथ स्वागत गरिएको छ ।
हरेक वर्ष परिवर्तन हुने ल्हो हरुको संख्या १२ वटा रहेकोले एकपटक विदाई भएको ल्हो पुनः १२ वर्ष पछि आउने गर्दछ । गुरुङ जातिका मानिसहरुले उमेरको हिसाब गर्न तथा वर्ष सम्बन्धि अन्य जानकारीका लागि ल्हो को प्रयोग गर्ने परम्परा रहेको छ । साथै यस सम्प्रदायमा विहेका लागि केटि माग्न जादा समेत वर वधुको ल्हो मिलाएर विहे गर्ने परम्परा रहेको जानकार हरु बताउँछन् ।
तमु ल्होसार पर्वको अवसरमा आज देशभरी नै गुरुङ समुदायमा र्याली, झाकी तथा विभिन्न सास्कृतिक कार्यक्रमहरु भएका छ्न । तमु ल्होसारको अवसरमा नेपाल सरकारले आज सार्वजनिक विदा समेत दिएको छ ।
