वीरगञ्ज, माघ २१//
आज माघ शुक्ल पञ्चमी अर्थात वसन्त पञ्चमी । आज वसन्त पञ्चमीको अवसरमा देशैभरि विद्याकि देवि सरस्वतीको विशेष पूजा तथा अनुष्ठान हुँदैछ ।
वसन्त पञ्चमीको अवसरमा आज देशैभरिका विद्यालय, कालेज, सन्स्कृत वेदाश्रम, ट्यूसन सेन्टर तथा औपचारिक एवम अनौपचारिक रुपमा ज्ञान आर्जनका कार्य हुने हरेक ठाउँमा माता सरस्वतीको प्रतिमा स्थापना गरेर वा फोटो राखी श्रद्धा भक्ती पूर्वक पूजा गरिएको छ ।
श्रीपञ्चमीको अवसरमा आज सोमबार पर्सा, बारा, रौतहट लगायत वीरगञ्ज र आसपासका क्षेत्रमा अवस्थित अधिकान्स विद्यालयमा सरस्वतीको प्रतिमा स्थापना गरि बिधिवत पूजा गरिएको छ ।
आजको दिन देखि बच्चाहरूलाई अक्षराङ्कन अर्थात् पठन पाठन सुरु गर्न लगाएमा भविस्यमा राम्रो गर्ने जनविश्वास रहेको परम्परा अनुसार आज अधिकान्स विद्यालयहरुमा नि:शुल्क भर्ना लिने प्रचलन पनि बढेको देखिएको छ ।
सरस्वती पूजाका दिन कलाकारहरुले पनि आफ्ना बाध्ययन्त्रको पूजा गर्ने प्रचलन रहेको छ । सुरकी देविको रूपमा समेत सरस्वती देवीलाई पूजा आजा आजको दिन कलाकार तथा गायक, चित्रकार लगायतकाले गरेका छ्न ।
