वीरगञ्ज, चैत २४//
नेपाल शिक्षक महासङ्घले भोलि चैत २५ गतेदेखी शैक्षिक आमहडतालको घोषणा गरेको छ ।
महासङ्घले विज्ञप्ति मार्फत शैक्षिक आमहडताल घोषणा गर्दै भोलि सोमबारदेखि सम्पूर्ण शैक्षिक संस्था पूर्ण रूपमा बन्द गर्न, परीक्षा नलिन, लिइएको परीक्षाको नतिजा सार्वजनिक नगर्न, एस ई ई को कापी चेक नगर्न, नयाँ शैक्षिक सत्रका लागि भर्ना अभियान सञ्चालन नगर्न, कुनै किसिम शैक्षिक तालिम, सेमिनार, गोष्ठी वा अन्य कुनै शैक्षिक कार्यक्रममा सहभागी नहुन स्पष्ट निर्देशन दिएको छ ।
यता नेपाली शिक्षकहरुको आन्दोलन प्रती विश्व शिक्षक महासङ्घले पनि ऐक्यबद्धता जनाएको छ ।
आज एक विज्ञप्ति जारी गर्दै नेपाली शिक्षकहरुको आन्दोलनप्रती आफ्नो पनि समर्थन रहेको बताउदै विश्व शिक्षक महासङ्घले ऐक्यबद्धता जाहेर गरेको हो ।
गत माघ २० गते देखि आन्दोलित नेपाली शिक्षकहरुले चरणबद्ध रूपमा आन्दोलनलाई निरन्तरता दिदै आएको तर नेपाल सरकार यश विषयमा गम्भीर नभएको भन्दै आन्दोलनलाई क्रमश: सशक्त पार्दै जाने शिक्षकहरूले बताएका छन् ।आन्दोलका क्रममा राजधानी केन्द्रित प्रदर्शनकारीको पाचौं दिन आज शिक्षकहरुले सिट्टी जूलूस प्रदर्शन गरेका छन् । सरकारले वेवास्ता गरे सङ्गै शिक्षक आन्दोलन दिनदिनै ससक्त हुँदै गएको देखिएको छ ।
हुन त सरकारले शिक्षकहरूलाई वार्तामा आउन आव्हान पनि नगरेको होईन तर वार्ता गरेर सहमति कार्यान्वयन नगर्ने सरकारको विगतदेखीको रवैयाले सरकार प्रतिको विश्वास गुमेको र शिक्षकहरुको एकमात्र अडान विगतमा भएका सम्झौताहरुको पूर्णरूपमा कार्यान्वयन सहितको विद्यालय शिक्षा ऐन जारि गर्नुपर्ने रहेको शिक्षक महासङ्घका राष्ट्रिय अध्यक्ष लक्ष्मिकिसोर सुवेदिले बताएका छन् ।
