त्रेता युगमा आज कै दिन अर्थात चैत शुक्ल नवमिका दिन अयोध्याका राजा दशरथ र महारानी कौशल्याको पुत्रको रुपमा श्रीराम को जन्म भएको मान्यता रहेको छ ।
भगवान विष्णुको सातौं अवतार मानिने भगवान रामले पृथ्वीमा भएको अन्याय तथा अत्याचारको समुल विनास गरि पवित्र आत्मा र मानवसमाजको कल्याण गरेका थिए । भने समग्र मानव जातीलाई मर्यादाको पाठ पढाई मर्यादित मार्ग अपनाउन हौसला प्रदान गरेका थिए ।
आजको श्रीरामको पूजापाठ गर्नाले भगवान रामको कृपा आफूमाथी हुने तथा ईच्छाएको कामना पूरा हुने र यस, कृति बढ्ने जनविश्वास रहेको छ ।
त्यस्तै चैते दशै अन्तर्गत आज नवमीको दिन विभिन्न शक्तिपिठहरुमा समेत भक्तजनको व्यापक भिड देखिएको छ ।
वीरगञ्जको प्रसिद्ध गहवामाई मन्दिरमा आज विहानै देखि श्रद्धालुहरु खोइच भर्नुका साथै विधिवत पूजापाठ गरेका छन् भने चैते दशैको अवसरमा हिजो अष्टमिको दिन बाजा,गाजा र झाकी सहित भक्तजनहरुको व्यापक सहभागितामा गहवा माताको विशाल डोला सहितको रथयात्रा निकालीएको थियो ।
