संजय गुप्ता // वीरगञ्ज, बैशाख १५//
शिक्षक आन्दोलनमा हिजो आईतवार नेपाल सरकार द्वारा गरिएको पानीको फोर्स तथा लठी चार्जबाट शिक्षकहरुमा आक्रोश बढेको छ ।
आक्रोसित शिक्षकहरु आज अझै ससक्त रूपमा प्रदर्शन गरेका छन । प्रहरीको लाठीचार्ज बाट घाईते भई अस्पताल भर्ना भएका शिक्षकहरु आज सोमबार घाउ र पट्टि सहित प्रदर्शन गरेका छन् ।
नेपाल शिक्षक महासङ्घका अध्यक्ष लक्ष्मिकिसोर सुबेदिले आफूहरुको आन्दोलन भाड्ने षड्यन्त्र स्वरुप हिजो प्रहरी द्वारा शोषण गर्न लगाईएको आरोप ल्गाउदै आन्दोलनलाई निर्णायक बनाउन ६० जना त के ६० हजार शिक्षक हरु घाईते हुन तयार रहेको दाबी गरेका छन् ।
त्यस्तै आज शिक्षकहरुको आन्दोलनमा ऐक्यबद्धता जनाउन गएका नेकपा एस का नेता माधव कुमार नेपाल र झलनाथ खनाल लगयतका नेताहरुको टोलिलाई आक्रोशित शिक्षकहरुले आन्दोलन स्थलबाट लखेटेका छन् । कुनै नेताहरुले साच्चिकै शिक्षक आन्दोलनमा समर्थन जनाउन मनसाय भए बाहिर बोलेको जस्तो देखावा नगरिकन सान्सद भवनमा बोलेर साथ दिनका लागि शिक्षकहरुले आग्रह गरेका छन् ।
यता करिब महिना दिन पुग्न लागेको शिक्षकहरुको राजधानी केन्द्रित आन्दोलनले सिङ्गो मुलुककै शिक्षा प्रणाली ध्वस्त हुनसक्ने खतरा बढिरहेको यस्तो संबेदनसिल अवस्थालाई नजर अन्दाज गरेर सरकारले आफूलाई निकम्मा सावित गरेको आलोचना चौतर्फी भैरहेको छ ।
कुनै पनि देश विकासको मेरुदण्डको रूपमा रहेको शिक्षा क्षेत्रको यस्तो अवस्थाले देश असफलता तिर धकेलिने प्रतिपक्षी नेताहरुको भनाई रहेको छ ।
शिक्षकहरुको आन्दोलन प्रती सरकार यस्तै गैर जिम्मेवार रहिरहे यो एउटा ठूलो जन आन्दोलनमा परिणत हुनसक्ने र सरकारको काबूभन्दा बाहिरको अवस्था सृजना हुनसक्ने संकेत समेत देखिदै छ ।
