मनोज गुप्ता //बीरगञ्ज, बैशाख २३//
वीरगञ्ज मेनरोड सडकलाई जनभावना अनुरुप विस्तार गरिने आश्वासन सङ्घिय मामिला तथा समन्य प्रशासन मन्त्री राजकुमार गुप्ताले दिएका छ्न ।
गण्डक देखि घण्टाघर–मितेरी पुल सडक विस्तारको विषयलाई लिएर उत्पन्न भएको विवादमा मन्त्री गुप्ताले घना आवादी क्षेत्रलाई जोगाउने प्रतिबद्धता व्यक्त गरेकाछन। उनले वीरगञ्ज मेनरोडको चौडाइ २५/२५ मिटर नभई जनताको इच्छा र भावना अनुसार विस्तार गरिने कुरा प्रष्ट गरेका छन् ।
सडक डिभिजन कार्यालय हेटौंडाको प्रस्ताव अनुसार साढे ६ किलोमिटर लम्बाइको सो सडक विस्तार गर्दा हजारौँ घर भत्किने र धेरै नागरिक विस्थापित हुने खतरा देखिएको थियो। भने स्थानीय घरधनि र व्यापारीहरु सडकपीडित संघर्ष समिति’ गठन गरी आन्दोलन समेत गरेका थिए ।
संघर्ष समितिका संयोजक कुन्दन रौनियार, वीरगञ्जका पूर्वमेयर विजय सरावगी र नेकपा एमाले नेता प्रल्हाद गिरीसहितको टोलीको रोहवरमा मन्त्री गुप्ताले हिजो सोमबार भौतिक पूर्वाधार तथा यातायातमन्त्री देवेन्द्र दाहालसँग भेटवार्ता समेत गरेका थिए ।
