संजय गुप्ता // वीरगञ्ज, भाद्र २७//
अन्तरिम सरकार गठनका लागि आज शुक्रबार पनि छलफल हुने भएको छ ।
प्रधान सेनापती अशोक सिग्देलको समन्वयमा पूर्वप्रधान न्यायाधीश सुशीला कार्की र संविधानविदहरु सङ्ग राष्ट्रपती रामचन्द्र पौडेलले हिजो विहिवार दिनभरी र रातभरी गरेको छलफलमा सुशीला कार्किको नेतृत्वमा अन्तरिम सरकार गठन गर्ने सहमति भएको छ । कार्कीलाई प्रधानमन्त्री बनाउन सहमती भएपनी संसद विघटनका लागि सहमति हुन सकेको छैन ।
राष्ट्रपति पौडेलले संसद विघटन नगरीकन कार्की लाई प्रधानमन्त्री बनाउने संबैधानिक बाटो खोज्न आज पुनः संविधानविद हरु सङ्ग छ्लफल गर्ने जनाइएको छ ।
राष्ट्रपति पौडेलले हिजो काङ्ग्रेस नेताहरू तथा माओवादी अध्यक्ष प्रचण्ड सङ्ग पनि समन्वय गरेका थिए । काङ्ग्रेस नेता तथा प्रचण्ड पनि कार्कीलाई प्रधानमन्त्री बनाउन साकारात्मक देखिएको बताईएको छ ।
आजको छलफल संसद विघटन गर्ने या नगर्नेमा केन्दृत रहने छ । छलफल अहिले बिहान ९ बजे देखि सुरु हुँदैछ ।
