मधेस प्रदेश सरकारका भूमी व्यवस्था, कृषि तथा सहकारी मन्त्री जनार्दन सिङ्ह क्षेत्रीले आज बुधबार वीरगञ्ज स्थित कृषि औजार कारखानाको अवलोकन गर्नुभएको छ ।
विगत करिब २० वर्ष देखि बन्द रहेको कृषि औजार कारखाना वीरगञ्जका केही मेसिनरीहरुको मर्मत सम्भार गरि राष्ट्रिय अविष्कार केन्द्रले परिक्षणको रुपमा केही कृषि उपकरणहरुको उत्पादन गरिरहेको कारखानाको मन्त्री क्षेत्रीले अवलोकन गर्नुभएको हो ।
अवलोकनका क्रममा मन्त्री क्षेत्रीले यस कारखानाबाट उत्पादित कृषि उपकरणहरु किसान बीच प्रदर्शन गर्न सुझाव दिनुभयो । साथै कृषकहरूले उपकरण मनपराए सरकार द्वारा नै यी उपकरणहरु किनेर किसानलाइ सहुलियत दरमा उपलब्ध गराउनका लागि आफूले पहल गर्ने बताउनुभयो ।
मन्त्री क्षेत्रीले साथै यस कारखानाको लागि प्रदेश सरकारले रु ५० लाख बजेट विनियोजन गरेको तथा सो रकम प्रदान गर्नकालागी आवस्यक प्रक्रिया यथाशीघ्र अघि बढाउने तथा यस कारखानाको विकासका लागि हरेक किसिमबाट सहयोगकालागी हातेमालो गर्न आफू सदैव तयार रहेको विश्वास दिलाए ।
अवलोकनका लागि मन्त्री क्षेत्री सङ्गै वीरगञ्ज उधोग वाणिज्य सङ्घका मनोज उपाध्याय, नेविसंघका केन्द्रिय सदस्य सुरेन्द्र लामिछाने र अन्य जिल्लास्तरीय नेता एवम कार्यकर्ता हरुको सहभागिता रहेको थियो ।
