वीरगञ्ज, फागुन २७//
नेपाल शिक्षक महासंघ केन्द्रिय कार्यसमितिका सदस्यहरूले नेपाली कांग्रेसको केन्द्रिय पार्टी कार्यालयमा आज धर्ना दिएका छन् ।दोश्रो चरणको आन्दोलनको कार्यक्रम अनुसार आज मंगलबार महासंघको आयोजनामा शिक्षकहरूले धर्ना दिएका हुन् । शिक्षकहरूले पार्टी केन्द्रीय कार्यालय सानेपामा पुगेर विगतका सबै सहमति सम्बोधन हुनेगरी विद्यालय शिक्षा ऐन जारी गर्न माग गर्दै धर्ना दिएका हुन् ।
शिक्षक आन्दोलनको पूर्वनिर्धारित कार्यक्रम बमोजिम राजनीतिक दलहरूका केन्द्रीय कार्यालयमा धर्ना दिने कार्यक्रमअन्तर्गत आज मंगलबार कांग्रेस कार्यालयमा धर्ना दिएका हुन् ।
आन्दोलित शिक्षकहरुले शिक्षा नै सभ्यताको मेरुदण्ड हो भन्ने कुरा देशका नेताहरूले बुझ्नपर्ने बताउदै अध्यारो जिवनलाई उज्यालो तर्फ डोर्याउने माध्यमको रुपमा रहेको शिक्षा देश चलाउन अनिवार्य तत्व भएकाले शिक्षकहरुको आन्दोलनलाई समान्य रूपमा नलिन आग्रह समेत गरेका छन् ।
