कालिकामाई गाउँपालिकाको ९ औं गाउँ सभा सम्पन्न

बिरगंज ३१ असार /
पर्साको कालिकामाई गाउँपालिकाको ९ औं गाउँ सभा तथा आ.व. २०८०/०८१ को गाउँसभा सम्पन्न भएको छ । गाउँपालिकाको सभाहलमा सम्पन्न गाउँ सभालाई सम्बोधन गर्दै गाउँपालिका अध्यक्ष बशिस्ट कुमारले आफु जनताका कृषि,शिक्षा,स्वास्थ इत्यादि सेवामा सहज प्रदानका लागि अहोरात्र लागेको कुरा सम्पुर्ण जनताहरुमा जगजाहेर रहेको बताएका छन । गाउँ सभालाई सम्बोधन गर्दै, अध्यक्ष कुमारले आफुले बोल्नु भन्दा बढि काम गर्नुपर्ने र जनताको चाहनालाई प्राथमिकता दिनुपर्ने बिचारलाई आत्मसाथ गर्दै अगाडि बढिरहेको बताए ।
अध्यक्ष कुमारले बिधिको शासनमा कालिकामाई गाउँपालिका नमुना भएको स्मरण गराउदै सबै समयमा आफुहरुले सभा र बिशेष सभा गराउन सफल भएको बताउदै आफ्नो गाउँपालिकाको उप–प्रमुख सम्पुर्ण वडा अध्यक्ष तथा सदस्य लगायत सबै कर्मचारीलाई समेत धन्यवाद दिए ।
गाउँपालिकाका प्रमुुख प्रशासकीय अधिकृत नमोनाथ यादवका अनुुसार गाउँ सभाले गाउँपालिकाका लागि आवश्यक ऐन, कानुन पारित गर्न सफल भएको छ ।
यस्ता गाउँपालिकाका लागि आवश्यक ऐन कानुन, नियम, कप्रकाशन गरेर कार्यान्वयनमा ल्याउने बाटो गाउँपालिकालाई खुलेको समेत उनले बताए । गाउँपालिका अध्यक्ष बशिस्ट कुमारको अध्यक्षतामा भएको गाउँसभामा प्रमुख प्रशासकीय अधिकृत नमोनाथ यादवले स्वागत मन्तव्य दिनुका साथै गाउँपालिकाको कार्य प्रगति बारे स्पष्ट पारेका थिए। सभालाई सम्बोधन गर्दै विभिन्न वक्ताहरुले कृषि,शिक्षा,स्वास्थ तथा खानेपानीमा विशेष जोड दिन गाउँपालिकालाई सुझाव समेत दिएका थिए ।
कालिकामाई गाउँपालिकाले आफ्नो ९ औं गाउँ सभा बाट ३० करोड ९१ लाख ९८ हजार २ सय बजेट पारित गरेको छ । उक्त गाउँ सभामा उपाध्यक्ष राजमती देबि बरैनी वडा अध्यक्षहरु लालबाबु राउत बरै,सोनालाल प्रसाद चौरसिया,संजय पटेल,संजय साह गोढ,जयनारायण प्रसाद कुर्मी गाउँ सभा सदस्य,नेताकार्यकर्ता,बुद्धिजीवी,कर्मचारी लगाएत पत्रकारहरुको उपस्थिति रहेको थियो ।