वीरगन्ज१९ भदौं
वीरगन्ज महानगरपालिकाको नियमन समितिको अनुगमनले मंगलबार पनि अनुमति बिना सञ्चालित दुई वटा कलेजमा सिलबन्दी गरेको छ ।
महानगरद्वारा गठित नियमन समितिले गत बुधबार देखि वीरगञ्जमा अनुमति बिना सञ्चालित कलेजहरुमा पुगेर सिलबन्दी गर्न थालेको छ ।
आज मंगलबार पनि दुई वटा कलेजमा सिलबन्दी गरेको हो ।
नियमन समितिका संयोजक ईश्वरचन्द्र यादवको नेतृत्वममा छ मंगलबार खटिएको टोलीले वीरगन्ज– ८ स्थित युनिभर्सल प्लस टु कलेज र प्रिसटोन मोडेल एकेडेमीमा सिलबन्दी गरेको हो ।
यसअघि सोमबार पनि उक्त टोलीले वीरगन्ज १६ गहवास्थित माईस्थान बाल विद्या मन्दिर इन्दु लाखे आधारभूत विद्यालयमा अवैध रूपमा सञ्चालित अन्नपूर्ण कलेज र वडा नम्बर ११ स्थित युनिभर्सल एकेडेमी कलेजमा सिलबन्दी गरेको थियो ।भदौ १३ गते पनि वीरगन्ज महानगरकै अनुगमन टोलीले आवश्यक अनुमति नलिएको भन्दै वीरगन्ज स्कूल अफ ल, इम्पेरियल कलेज र बिजी बी किड्समापनि सिलबन्दी गरेको थियो ।
कलेज सञ्चालनका लागि आवश्यक अनुमति नलिएका मध्ये मंगलबारसम्म ७ वटा कलेजमा सिलबन्दी गरिएको समितिका संयोजक यादवले बताए ।
