पर्सागढी–३ मा निर्मित राधाकृष्ण मन्दिरको सांसद चौरसिया द्धारा उदघाटन

वीरगंज २० भदौ ।
पर्सा जिल्लाको पर्सागढी नगरपालिका वडा नं. ३ रामटोल स्थित नव निर्मित राधाकृष्ण मन्दिरको पर्सा क्षेत्र नं २ का सांसद अजय चौरसियाले उदघाटन गरेका छन ।
पर्सा क्षेत्र नं २ (१) का प्रदेश सभा सदस्य श्याम पटेलको संसदीय बिकास कोषबाट १५ लाख र अन्य चन्दादाताहरुको सहयोगमा निर्मित मन्दिरको बुधवार कृष्ण अष्ट्मीको उपलक्ष्यमा प्राण प्रातिषठा गरिएको श्री राधाकृष्ण मन्दिर ब्यवस्थापन समितीका अध्यक्ष शम्भु कुवरले बताए ।
सो मन्दिरलाई उदघाट्न गर्दै प्रमुख अतिथी सांसद चौरसियाले भगवान कृष्णको जन्म भएको दिनको अवसरमा मन्दिरको उदघाट्न गर्ने मलाई शौभाग्य प्राप्त भएकोमा खुशी व्यक्त गरे ।
सो कार्यक्रममा बिशिष्ट अथिति प्रदेश सांसद श्याम पटेल, नगर प्रमुख गोकर्ण पाठक, बहुदरमाई नगरपालिकाका पुर्व नगर प्रमुख नितेन्द्र साह, पर्सागढी नगरपालिकाका पुर्व नगर प्रमुख लोकनरायण यादव, ने.का. पर्सा सह–सचिव मदन यादव, क्षेत्रीय नं.२ का सभापति मो.साहबुद्दिन, बैकुण्ठ श्रीवास्तव लगायतको सहभागीता रहेको जनाईएको छ ।