मनोज गुप्ता// वीरगञ्ज, मंसिर १
वडा दशैंको चौथो दिन बुधवार देवी कुष्माण्डाको पुजा गरी मनाईदै छ । हिन्दु धर्मावलम्बीहरुको प्रमुख चाडहरु मध्येको एक महान चाडको रुपमा मनाईने वडा दशैंमा आदिशक्ति दुर्गामाताको नववटा रुपलाई प्रत्येक दिन एउटा एउटा रुपमा पुजा गरिने चलन रहेको छ । वडा दशैंको आज चौथो दिनपनि श्रद्धालु भक्तजनहरु वैदिक विधि अनुसार माता कुष्माण्डाको पुजा आराधना गरेका छन् ।
वडा दशैं पर्व अन्तर्गत अधिकांश हिन्दु धर्मावलम्बीहरुले आ–आफ्ना घर घरमा जमरा राख्ने, नवरात्री गर्ने तथा नवदुर्गाको पूजापाठ गर्नुका साथै पछिल्लो समय प्रत्येक गाउँ तथा टोल टोलमा माताको प्रतिमा बनाई वैदिक विधि अनुसार कलश यात्रा निकाली नवदिनसम्म सामुहिक रुपमा नवरात्री गर्ने र अन्तिम दिन सामुहिकरुपमै कन्याहरुलाई छप्पनभोग ग्रहण गराई नगद समेत दानगरी ब्रत पूरा गर्ने चलन पनि बढिरहेको छ ।
त्यसै अनुरुप बाराको विश्रामपुर गाउँपालिका वडा नम्बर ४ बलिरामपुर स्थित सातोमाई पूजा समितीको अगुवाईमा विगत १० वर्षदेखि विधिवत नविराईकन प्रत्येक वर्ष सामुहिक रुपमा नवरात्री हुँदै आएको र यस वर्ष पनि पूर्व वडा अध्यक्ष तथा गाउँपालिका अध्यक्षका भावि उम्मेदवार मदन यादवको विशेष सहयोगमा सामुहिक नवरात्री पूजा भईरहेको सर्वसाधारण भक्तजनहरुले बताएका छन् ।
यता विरगञ्ज महानगरपालिका वडा नं.९ रानीघाट स्थित दुर्गा पूजा समिती रानीघाटले विगत करिब २०औं वर्षदेखि प्रत्येक वर्ष नविराईकन सामुहिक रुपमा नवरात्री पूजाको आयोजना गर्दै अएको भक्तजनहरुले बताएका छन् ।
