राजु चौरसिया // बारा कार्तिक १३
अज्ञात समूहले बाराको कलैयामा एक प्रधानाध्यापकमाथि गोली प्रहार गरेको छ । कलैया स्थित बालएकता बोर्डिंग स्कूलका सञ्चालक कलैया–६ निवासी रुपेश स्वर्णकारमाथि आज सोमबार दिउँसो २ राउण्ड गोली प्रहार भएको बारा प्रहरीले जनाएको छ ।
बाल एकता बोर्डिङ स्कुल नजिकैको मदर्सा टोलमा अज्ञात समूहले स्वर्णकारमाथि दुई राउण्ड गोली प्रहार गरेको छ ।गोली प्रहार भएपछि घाईते स्वर्णकारलाई उपचारका लागि एलएस न्यूरो अस्पताल नौतन बहुअरीमा लगिएको प्रहरीले जनाएको छ । स्वर्णकारको टाउँको र छातीमा गोली प्रहार गरिएको तथा हाल उनको अवस्था चिन्ताजनक रहेको छ अस्पताल स्रोतले जनाएको छ । घट्ना पश्चात घट्ना स्थलमा प्रहरी परिचालन गरिएको तथा घट्नाको अनुसन्धान र घट्नामा सँलग्न व्यक्तिहरुको खोजीकार्य भईरहेको जिल्ला प्रहरी कार्यालय बाराले जनाएको छ ।
गोली चलेपछि मदर्साटोलको जनजीवन त्रसित भएको सर्वसाधारणहरुले बताएका छन् ।
