वीरगञ्ज, कार्तिक १५
वीरगञ्ज पानीटंकी स्थित वीरगञ्ज पब्लिक काँलेज(बिपिसी) मा अध्ययनरत कक्षा १२ का एक जना छात्र क्याम्पसकै छतबाट हामफालेर आत्महत्याको प्रयास गरेका छन् ।
काँलेजमा अध्ययनरत बारा विश्रामपुर गाउँपालिका – ५ नकटुवा निवासी १८ वर्षीय छात्र राजीव महतो बुधवार विहान करिब ७ बजे काँलेजकै तेस्रो तल्लाको छतबाट हामफालेर आत्महत्या गर्ने प्रयास गरेका हुन् ।
छतबाट हामफालेका महतोलाई क्याम्पस छेउको खाली जग्गामा लडेको अवस्थामा देखेर छिमेककी एकजना महिलाले कालेज प्रशासनलाई खबर गरेपछि विद्यार्थी तथा प्रशासनिक कर्मचारीले महतोलाई नजिकैको प्रभु अस्पतालमा भर्ना गरेका थिए । घाईते महतोको खुट्टा तथा हातमा गम्भीर चोट लागेकोले उनलाई प्रभु अस्पतालबाट बयोधा अस्पतालमा थप उपचारको लागि भर्ना गरिएको तर घाईते महतो भने खतरामुक्त रहेको पर्सा प्रहरीले जनाएको छ ।
छात्र महतोले के कति कारणले आत्महत्याको प्रयास गरेको भन्ने कुराको बारेमा अहिले सम्म प्रष्ट नभएको जनाईएको छ ।
