राजु चौरसिया// बारा कार्तिक २२
१५ किलोग्राम लागू औषध गाजा सहित तिन जना बुधबार बाराको मटिअर्वा बाट पक्राउ परेका छन् ।
बुधबार बेलुकी ७:४० बजेको समयमा बाराको कलैया उपमहानगरपालिका वडा नं.१० मटिअर्वा स्थित नहर चोकमा खटिएको प्रहरी चेकिङ टोलिले कलैयाबाट मटिअर्वा तर्फ जादै गरेको प्र-२-०३-००१ ह ९१० नं.को अटोलाई रोकी चेकजाँच गर्ने क्रममा अटो भित्र लुकाई छिपाई राखेको लागु औषध गाँजा अं.१५ के.जि. बरामत गरि मानिस समेत नियन्त्रणमा लिएको बारा प्रहरिले जनाएको छ ।
पक्राउ पर्नेमा अटो चालक बाराको कलैया-१२ निबासि २८ वर्षिय ताहिर अंसारी, अटोमा सवार भारत विहार पुर्वी चम्पारण जिल्ला मोतिहारी, आधापुर वडा न.४ निबासि २१वर्षीय इस्राफी हवारी र अटोमा सवार सोही ठाउँ बस्ने ३५वर्षीय जफिर मिया रहेका छन् ।
पक्राउ गरिएको अटो सहित गाजा र मानिसहरुलाइ नियन्त्रणमा राखी थप अनुसन्धान भैरहेको जिल्ला प्रहरी कार्यालय बाराले जनाएको छ ।
