वीरगञ्ज, कार्तिक २५
अन्तर्राष्ट्रिय क्रिकेट परिषद आईसीसीले श्रीलंकन क्रिकेट बोर्ड लाई निलम्बन गरेको छ ।
सरकारी हस्तक्षेप बढेको भन्दै श्रीलंका क्रिकेटलाई तत्काल निलम्बन गर्ने निर्णय आईसीसीको बैठकले गरेको हो । सामी सिल्भाको नेतृत्वमा रहेको श्रीलंका क्रिकेट बोर्डलाई भ्रष्टाचारमा संलग्न भएको भन्दै श्रीलंकाका खेलमन्त्री रोशन रणसिंघले निलम्बन गरी नयाँ अन्तरिम कमिटी गठन गरेको केही समय पछि आईसिसीले यस्तो निर्णय गरेको हो । श्रीलंकाली खेलमन्त्री रणसिंघले सिल्भा नेतृत्वको बोर्डले गरेका सम्पूर्ण आर्थिक तथा अन्य कारोवारहरु बारेमा छानबिन गर्ने घोषणा समेत गरेका थिए ।
रणसिंघले अन्तरिम कमिटीको प्रमुखमा पूर्व क्रिकेटर अर्जुन रणतुंगालाई नियुक्त गरेका छन् । यो सँगै भारतमा जारी विश्वकपमा समूह चरणका आफ्ना सबै खेल खेलेर ९ औं स्थानमा रहेको श्रीलंका खेलबाट बाहिरिने पक्का भईसकेको अवस्थामा छ भने अगामी सन् २०२५ मा हुने आईसीसी ट्रफीमा समेत छनोट नहुने लगभग पक्का भएको अन्तराष्ट्रिय सञ्चार माध्यमहरुले जनाएका छन् ।
