राजु चौरसिया// बारा पौष ७
नेपालका लागि भारतिय महाबाण्ज्यि दुत देवि सहाय मिनाले र शशिभुषण साहले सँयुक्त रुपमा आज शनिवार बाराको मटिअर्वा स्थित भन्सारको निरिक्षण गर्नुभएको छ । बारको कलैया उप महानगरपालिका वडा नं १० स्थित मटिअर्वा सिमा अवलोकनका क्रममा बाणिज्य दुत मिनाले नेपाल र भारत बिच सदियौ देखि रहँदै आएको बेटिरोटीको सम्बन्धलाई निरन्तरता दिनुपर्नेमा जोड दिनुभयो ।
साथै वहाँले सिमा सुरक्षाका लागि खटेका भारतीय एस एस बी का जवानहरुलाई सिमावर्ती गाउँका सर्वसाधारणहरुको दिनचर्या सहज बनाउनका लागि सक्दो सहयोग गर्न निर्देशन दिनुभयो । वहाँले मटिअर्वा नाकामा समेत कष्टमको व्यवस्था गर्ने तथा यस नाकाबाट समेत चार पाँग्रे सवारी साधनको आवागमनका लागि आफुले पहल गर्ने आश्वासन समेत दिनुभयो ।
महावाणिज्यत दुत लगायत सिमा निरिक्षणका लागि मटिअर्वा स्थित नेपाल भारत मैत्री सँघका सचिव पवन अग्रवाल, निरन्जन अग्रवाल, सल्लाहकार विजय जैसवाल, सदस्य अजय सर्राफ लगायत मटिअर्वाका सर्वसाधारण एवम् सरोकारवालाहरुको सहभागिता रहेको थियो । अनुगमन टोलीको कलैया वडा नं १० मटिअर्वाका वडाध्यक्ष साबिर मियाँ ठकुराइँले औपचारिक रुपमा स्वागत गर्नुभयो ।
