मधेश प्रदेश प्रहरी प्रमुख डिआईजी जनक भट्टराईले खटाएका सादा पोशाकका घुमुवा प्रहरीहरु तस्करहरु सङ्ग पैसा असुल्नमै व्यस्त भइ आफ्नो पदिय र पेशागत मर्यादालाई बिर्सेका छन् । बारा र पर्सा जिल्लाबाट हुने विभिन्न  क्रियाकलापहरुलाइ  सुक्ष्म अनुसन्धान गर्न सदापोसाकमा खटेका शैलेश पटेल र राजेश यादव  आर्थिक असुलिमा लिप्त  हुदैं गएका छन् ।

पटेल र यादव मधेश प्रदेशको डिआईजी भट्टराईको घुमुवा भएको धाक लगाउदै आफ्नो जिम्मेवारी भन्दा बढी बारा र पर्साको सिमानाकाबाट हुने तस्करहरुबाट आर्थिक लाभ लिने कार्यमा ब्यस्त हुने गरेको खबर प्राप्त भएको छ। पटेल र यादव मधेश प्रदेशको डिआईजीको घुमुवा भन्दै सिमानाकाबाट तस्करी गर्ने तस्करहरुसँग दुई तिन हजार भएपनि नलिइ नछाड्ने सिद्धांतका साथ काम गरिरहेको बताइएको छ।

घुमुवा द्वयले बारा पर्साबाट हुने कपडाको तस्करी , हार्डवेयरको तस्करी , कस्मेटिकको तस्करी , धान ,चामल , काजु , किसमिस , प्याज , कुखुराको चल्ला लगायत कवाडको तस्करीबाट दुई तिन हजार भएपनि लिने गरेको श्रोतको दाबी रहेको छ।  बारा र पर्साको सिमानाकाबाट हुने तस्करीको मालसमान सिमनाकाबाट पक्राउ नपरी बीरगंज पथलैया , अम्लेखगंजबाट दिनहुँ मालसमान पक्राउ पर्नेमा अधिकान्स घुमुवा द्व्यले पास गराएका मालसामान हरु भएको बुझिएको छ ।

यति मात्र नभएर घुमुवा द्वय पटेल र यादवले मातहतका प्रहरी प्वाइन्टका प्रहरी हरुलाइ समेत आफुहरुलाइ सहयोग नगरे माथी हाकिम सङ्ग कुरा लाइदिने भनेर मजबुर गर्नेगरेको बताइएको छ ।