राजु चौरसिया कलैया, ११ पौष
बढ्दो सवारी दुर्घटना लाई मध्यनजर गर्दै अस्थायी ट्राफिक प्रहरी पोष्ट प्रसौनी बाराले बुधवार सडकमै ट्राफिक सचेतना कार्यक्रम सम्पन्न गरेको छ। सवारी साधनलाई सावधानी नअपनाउँदा तथा मादक पदार्थ सेवन गरी सवारी साधन चलाएको कारणले सवारी दुर्घटना हुने गरेको ट्राफिक प्रहरीको तथ्यांकलाई मध्यनजर गर्दै सवारी दुर्घटना न्युनिकरण गर्ने उदेश्यले अस्थायी ट्राफिक पोष्ट प्रसौनिले सडकमा नै सवारी साधनहरुलाई रोकि जनचेतना जगाउने काम गरेको छ।
वीरगञ्ज कलैया सडक खण्ड स्थित दुधौरा पुल नजिक सवारी साधन लाई रोकी चालकलाई सावधानी पुर्वक सवारी चालाउन , सवारी चलाउँदा धेरै मादकपदार्थ सेवन नगर्न , मोटरसाइकल साईकल चलाउँदा हेल्मेटको प्रयोग गर्न र हेलमेटको फिता राम्ररी लगाउन , सवारी साधनको सवारी किताव र सवारी चालक अनुमती पत्र साथमा राख्न भनि चेतनामुलक सल्लाहरु दिइएको छ।
अस्थायी ट्राफिक पोष्ट प्रसौनिको ट्राफिक हवल्दार बिनोद प्रसाद यादवको नेतृत्वमा सम्पन्न कार्यक्रममा , ट्राफिक प्रहरी गोबिन्द मिश्र लगायत ट्राफिक प्रहरी र नेपाल प्रहरीले जनचेतनामुलक सुझाव दिएका थिए।
