वीरगञ्ज, पौष १३
भौतिक पूर्वाधार मन्त्री प्रकाश ज्वलाको गाडीमा ललितपुरका प्रदर्शनकारी यूवाहरुले आज शुक्रबार आगजनी गरेका छन् ।
रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले आज दिउँसो ललितपुरको बालकुमारीमा मन्त्री ज्वालाको बा २ झ ५८६१ नम्बरको गाडीमा आगजनी गरेका हुन् ।
प्रदर्शनकारी हरु प्रदर्शनका क्रममा सडक समेत अबरुद्ध पारेको तथा आगजनी पश्चात् बालकुमारी वरपरको क्षेत्र तनावग्रस्त भएको छ । स्थितिलाई नियन्त्रणमा लिन प्रहरी परिचालन गरिएको तथा बेलुकी सम्म अवस्था समान्य भएको स्थानीय प्रहरीले जनाएको छ ।
