वीरगञ्ज, पौष १६
नेपाल विद्युत प्राधिकरण वीरगञ्ज वितरण केन्द्रले ग्राहकहरुलाई अनावश्यक दुःख दिने गरेको सेवाग्राहीहरुले गुनासो गरेका छन् । विद्युत महसुल बुझाउन गएका सेवाग्राहीहरुले महसुल बुझ्न समय २ बजे सम्म भए पनि आफुहरु दिउँसो १ बजे नै कार्यालयमा आउँदा समेत कर्मचारीहरुले महसुल नबुझेको र बुझ्न दबाब दिँदा धाक धम्की दिई कार्यालय बाहिर निकाली दुव्र्यवहार गरेको बताएका छन् ।
कार्यालयमा विद्युत महसुल बुझाउन आउँदा आलटाल गरेर ढिलो गर्ने गरेको र एक दिनपनि ढिला भए ब्याजमा एक पैसा नछोडि पुरै ब्याज लिने नितिले यहाँका कर्मचारीहरु प्रोरित रहेको विद्युत कार्यालयमै कार्यालय समयमै भेटेका सेवाग्राहीहरुले कर्मचारीहरुकै अगाडी बताएका छन् ।
साथै सेवाग्राहीलाई गाली गलौज गरी दुव्र्यवहार गरेका कर्मचारी यस तराई खबरका रिपोर्टरहरुले कुरा गर्न खोज्दा स्टोर शाखाको भित्र लुकेर भित्र बाट ढोका बन्द गरेका थिए । कार्यालय परिसरमै सम्पूर्ण कर्मचारीहरु उपस्थित भएर पनि आफ्नो काम छोडी दिनभरी लगाएर आएका त्यत्रो टाढाका ग्राहकहरुको महसुल रकम नबुझेको गुनासो सेवाग्राहीहरुले गरेका छन् ।
यस सम्बन्धमा कार्यालय प्रमुख सँग बुभm्न खोज्दा उनी लगभग एक हप्ता देखि कार्यालयमा उपस्थित नभएको कुरा एक जना कर्मचारीबाटै बाहिर आएको छ । कार्यालय प्रमुख महिनामा ३÷४ दिन मात्रै कार्यालयमा आउने गरेको र फोनबाट नै कार्यालय हाक्ने गरेको गुनासो केही कर्मचारी बाट समेत आएको भेटिएको छ । यसरी कार्यालय प्रमुख नै गैर जिम्मेवार भएपछि कार्यालयको हालत कसरी सुध्रिने हो भन्ने कुरमा सर्वसाधारण चिन्तित देखिएका छन् । तर यस सन्दर्भमा सम्बन्धित निकायको मौनताले पनि धेरै प्रश्न उब्जिएको आम सर्वसाधारणको भनाई रहेको छ ।
