वीरगञ्ज, माघ ८
भारतको अयोध्या स्थित राम मन्दिरमा आज सोमबार प्राण प्रतिष्ठान भएको छ ।
मर्यादा पुरुषोत्तम भगवान श्री रामको जन्मभूमि अयोध्यामा नव निर्मित श्री राम मन्दिरको निर्माणकार्य पूर्ण नभए पनि आजको शुभ मुहुर्तमा प्राण प्रतिष्ठान गर्नेगरी महिनौं दिन देखि गरिएको तयारी बमोजिम भारतीय प्रधानमन्त्री नरेन्द्र मोदिले निराहार बसि प्राण प्रतिष्ठान गर्नु भएको हो ।
प्राण प्रतिष्ठानको अवसरमा नेपाल र भारत लगायत अन्य देशहरुबाट समेत हिन्दु धर्म प्रती आस्था राख्ने भक्तजनहरुको व्यापक सहभागिता देखिएको छ । प्राण प्रतिष्ठान समारोहमा भारत तथा नेपाल बाट पनि अतिथिहरुको ठूलो सहभागिता रहेको थियो ।
