वीरगञ्ज, माघ १३
पूर्व राजा ज्ञानेन्द्र विक्रम साहले सत्य जहिले पनि सत्य हुने तथा असत्यको कहिले पनि जित नहुने ठोकुवा गर्नु भएको छ ।
जिल्ला प्रहरी कार्यालय पर्सा वीरगञ्जको अगाडि मेनरोड भन्दा पश्चिम अवस्थित रातो बङ्गलामा आज शनिबार आयोजित नागरिक अभिनन्दन कार्यक्रमलाई सम्बोधन गर्ने क्रममा पूर्व राजा शाहले यस्तो ठोकुवा गर्नु भयो ।
आफूले आफ्ना अग्रजहरुलाई गुमाउनुपरेको त्यस्तो कहालीलाग्दो अवस्थामा पनि आफूहरू माथी गरिएको प्रहारका बावजुद पनि पुग अपुग ७ वर्ष सम्म राष्ट्र प्रमुखको हैसियतमा शासन सत्ता सञ्चालन गर्दा सदैव नेपाल र नेपाली जनताको हित सोचेको स्पष्ट पार्नुभयो ।
देशमा निषेधको राजनीतिले निकास नदिने कुरामा जोड दिदै पूर्ब राजा शाहले आफूले देशवासिहरु प्रतिको स्नेह र प्रजातान्त्रिक सोचकै आधारमा आफ्नो पूर्ख्यौली शासन सत्ता समेत जनतालाई सुम्पेको समेत बताउनुभयो ।
पूर्व राजा ज्ञानेन्द्रले सत्ता छाड्ने बेलामा पनि आफूले नेपालमै बसेर नेपाल नेपालीको शान्ती र हितका लागि सहयोग गर्ने भनेर भनेको कुराको स्मरण समेत गराउनुभयो ।
