वीरगञ्ज, माघ १६
शिक्षा मन्त्रालयको तथ्याँक अनुसार साउन १ गते देखि पुस मसान्तसम्म ५१ हजार ६३७ विद्यार्थीले बैदेशिक अध्ययन अनुमतिपत्र एन ओ सी लिन सफल भएका छन् । मन्त्रालयको तथ्याँक अनुसार सबैभन्दा बढी क्यानाडाको लागि १२ हजार ७५ जना र सबै भन्दा कम भारतको लािग १ हजार ३१२ जनाले एन ओ सी लिएका छन् ।
मन्त्रालय स्रोतका अनुसार दैनिक रुपमा ५०० जनाको हाराहारीमा एनओसीका लागि आवेदन दिने गरेको बताइएको छ । नेपालको तुलनात्मक रुपमा नेपाल भन्दा विदेशी राष्ट्रहरुमा अध्ययनका क्रममा जागिरको सम्भावना बढी रहेको तथा विदेशी मुद्राको मुल्याँकन पनि बढी हुनेहुँदा वैदेशिक अध्ययन लोकप्रिय बन्दै गईरहेको जानकारहरु बताउँछन् ।
