वीरगञ्ज, चैत्र १४
यसपालिको एस इ इ परिक्षा भोलि चैत्र १५ गते विहिवार देखि शुरु हुँदै छ । पर्सा जिल्लाबाट मात्रै यसपालि परिक्षा दिने १००६८ जना विद्यार्थीहरुका लागि २६ वटा केन्द्रबाट परिक्षा दिने व्यवस्था मिलाइएको छ ।
परिक्षाका लागि आवश्यक सुरक्षा सतर्कताका साथै परिक्षा सङ्ग सम्बन्धित अन्य सम्पूर्ण तयारीहरु पूरा भैसकेको जिल्ला प्रशासन कार्यालय पर्साले जनाएको छ ।
परिक्षा लाई मर्यादित बनाउनका लागि बनाइएको अनुगमन टोलिका सदस्यहरुले अनुगमनका क्रममा विद्यार्थी हरुलाइ कुनै प्रकारको बाधा नहुने गरि अनुगमनको व्यवस्था मिलाइएको समेत जिल्ला प्रशासन कार्यालय पर्साले जनाएको छ ।
परिक्षाको मर्यादा विपरीतको कार्य गर्ने जो कोहिलाइ पनि कानून बमोजिम दण्डित गरिने चेतावनी समेत पर्सा प्रशासनले दिएको छ भने परिक्षाका लागि स्वच्छ, शान्त र अनुशासित वातावरलागी तयार गर्नमा सक्दो सहयोग गर्नुहुनका लागि समेत सम्पूर्ण सरोकारवालाहरु सङ्ग अनुरोध गरेको छ ।
