वीरगञ्ज, ज्येष्ठ १५
सरकारले अगामी आर्थिक वर्ष २०८१/०८२ का लागि १८ खर्ब, ६० अर्ब, ३० करोड बराबरको बजेट सार्वजनिक गरेको छ ।
आज मङ्गलवार दिउँसो ३:०० बजे भएको सङ्घिय सांसदको सन्युक्त बैठकमा नेपाल सरकारका अर्थमन्त्री बर्षमान पुन(अनन्त) ले सार्वजनिक गर्नुभएको उक्त परिमाणको बजेट चालू आर्थिक वर्षको तुलनामा ६.२ प्रतिशत र संसोधित बजेटको तुलनामा २१.५६ प्रतिशतले ठूलो रहेको छ ।
यसपालीको बजेटमा पनि कृषि क्षेत्रलाई प्राथमिकतामा राखिएको भनिएपनी चालू आर्थिक वर्षको तुलनामा रु एक अर्ब बजेट घटाइएको छ । चालू आर्थिक वर्ष २०८०/०८१ मा कृषि तर्फ रु. ५८ अर्ब ९८ करोड रहेको थियो भने आर्थिक वर्ष २०८१/०८२ मा रु ५७ अर्ब २९ करोड मात्र विनियोजन गरिएको अर्थमन्त्री पुनले घोषणा गर्नुभएको छ ।
त्यस्तै पछिल्लो केही दिन देखि सामाजिक सञ्जालहरुमा राष्ट्रसेवक कर्मचारीहरुको तलबमा वृद्धि हुने कुराहरू निकै चर्चामा देखिएको भए पनि कर्मचारीहरुको तलबमा कुनै वृद्धि भएको कुरा बजेट बक्तव्यमा सुनिएन ।आर्थिक वर्ष २०७९/०८० पछि हाल सम्म राष्ट्र्सेवक कर्मचारीहरुको तलबमा वृद्धि भएको छैन ।
यता अर्थमन्त्री पुनले यसपालिको बजेट मार्फत गाँजाकाे व्यवसायिक उत्पादनमा जोड दिनुभएको छ । अहिलेसम्म कानुनी रूपमा प्रतिबन्ध लगाइएको लागुऔषधको रूपमा रहेको गाँजा खेतिलाइ व्यवसायिक रूपमा गर्नका लागि कानुनि व्यवस्था मिलाइने कुरामा जोड दिनु भयो ।
