मनोज गुप्ता, वीरगञ्ज, श्रावण ३
त्रिसुली नदिमा बेपत्ता बारा विश्रामपुर -३ का परमानन्द पन्डितको परिवारलाई स्थानीय यूवा नेता तथा गाउँपालिका अध्यक्षका उम्मेदवार मदन यादवले आर्थिक सहयोग गर्नु भएको छ । नेता यादवले पिडित परिवारलाई घरमै पुगेर स्थानीय सर्वसाधारणको रोहवरमा नगद हस्तान्तरण गर्नुभयो ।
बिश्रामपुर वडा नम्बर ३ मुसहर्वा दक्षिण टोल निवासी पन्डित गत आषाढ २६ गते चितवनको सिमलताल स्थित त्रिसुली नदिमा बेपत्ता भएको एन्जल बससङ्गै बेपत्ता भएका हुन ।
पन्डित बेपत्ता हुँदा बिच्चलिमा परेको परिवारलाई थोरै भएपनि राहत पुग्ने उदेश्यले आर्थिक सहयोग गरेको नेता यादवले बताउनु भयो ।

