मनोज गुप्ता//वीरगञ्ज, मंसिर २७
नेपाल पत्रकार महासङ्घ को अगामी नेतृत्वका लागि हुनलागेको निर्वाचन अन्तर्गत बारा शाखामा ७ जना निर्विरोध निर्वाचित भएका छन ।
निर्वाचन कार्यक्रम अन्तर्गत आज बिहीबार सम्पन्न मनोनयन दर्ता मा खुल्ला उपाध्यक्ष पदमा पन्नालाल दास, उपाध्यक्ष महिलातर्फ प्रियङ्का दास, सचिवमा पुष्पराज खतिवडा तथा सदस्यमा धिरेन्द्र तिवारी, धिरेन्द्र पनुहर, नुन आलम मन्सुर र शर्मालाल बैठा को एकल उम्मेदवारी परेपश्चात सातैजना निर्विरोध निर्वाचित भएका हुन ।
नेपाल पत्रकार महासङ्घ बाराको भवनमा भएको मनोनयन दर्ता कार्यक्रममा अध्यक्ष पदका लागि रमेश सुवेदी, श्याम यादव र अनिल तिवारीले उम्मेदवारी दिएका छ्न भने सबै पदको गरि ३४ सिटका लागि ४३ जनाले उम्मेदवारी दिएको बताइएको छ ।
