वीरगञ्ज, पौष ७//
नेपाल प्रीमियर लिग( एन पि एल)को फाइनल खेललाई आधार बनाइ अनलाइन सट्टेबाजी गर्ने २ जनालाइ प्रहरीले राजधानीमा पक्राउ गरेको छ ।
भारत उत्तर प्रदेश जिल्ला आग्रा सिकान्द्रा पञ्चायत घर भई हाल काठमाडौ टोखामा बस्ने ४७ वर्षीय हरिस जावा र ३८ वर्षीय ऋषि मातनलाइ जिल्ला प्रहरी काठमाडौबाट गएको प्रहरी टोलिले आज आइतबार उनीहरुको कोठाबाट नै पक्राउ गरेको छ ।
पक्राउ परेकाउनीहरुबाट पाँच वटा मोबाइल, एउटा ल्यापटप, आठ वटा एनसेलको सिमकार्डसहित जावाको भारतीय राहदानी र आधार कार्ड, माकनको आधार कार्ड र मतदान कार्ड तथा अनलाइन सट्टाबाजिका लागि प्रयोग गरिने उपकरण समेत प्रहरीले नियन्त्रणमा लिएको छ । पक्राउ परेका दुवैजनालाइ हिरासतमा राखी अनुसन्धान भैरहेको महानगरीय प्रहरी प्रभागले जानकारी दिएको छ ।
