कर्णाली विकास बैंकमा वितिय अपचलन भएको तथा बैंक सम्बन्धि प्रचलित सम्पूर्ण नियम, कानून पूर्ण रुपले पालना नगरेकोमा समस्या देखिएको भन्दै नेपाल राष्ट्र बैंकले सो बैंकलाई समस्याग्रस्त घोषणा गरेको छ ।
राष्ट्र बैंकको आज बुधबार बसेको सञ्चालक समितिको बैठकले कर्णाली विकास बैंकलाई समस्याग्रस्त घोषणा गर्ने निर्णय गरेको बताइएको छ ।
बैठकले बैंक तथा वित्तीय संस्था नियमन विभागका उपनिर्देशक टीकाराम खतिवडाको संयोजकत्वमा वित्तीय संस्था सुपरीपेक्षण विभागका उप निर्देशक विष्णुकुमार विश्वकर्मा र कानुन महाशाखाका उपनिर्देशक जुगल किशोर कुशवाहा सदस्य रहने गरि तीन सदस्यीय व्यवस्थापन समिति गठन समेत गरेको छ ।
नवगठित समितिलाई सर्वसाधारणको हितलाई मध्यनजर गर्दै बचतकर्ताको बचत भुक्तानी र संस्थाको ऋण असुलीलाई प्राथमिकता दिई कार्य गर्ने, संस्थामा भएका वित्तीय अपचलनउपर आवश्यक छानबिन गरी कानुनी कारबाही प्रक्रिया अघि बढाउने लगायत अख्तियारी प्रदान गरिएको राष्ट्रिय सञ्चार माध्यम हरुले जनाएका छन ।
