मनोज गुप्ता// वीरगञ्ज, पौष १//
४३किलोग्राम अवैध लागुऔषध गाजा सहित १ भारतीय कारलाई बारा प्रहरीले आफ्नो नियन्त्रणमा लिएको छ ।
जिल्लाको सुवर्ण गाउँपालिका अन्तर्गत पर्ने तेलकुववा गाउँ बाट सिम्रौनगढ तर्फ आउँदै गरेको बि आर ०१ ए यू ११०७ नम्बरको भारतीय कारमा प्लास्टिकले बेरि ५ वटा पाँकेटमा राखिएको गाजा सहित कारलाई प्रहरीले नियन्त्रणमा लिएको छ भने कारका चालक फरार रहेका छन् ।
बारा प्रहरिका अनुसार अमृतगञ्ज प्रहरी चौकिका प्रहरी सहायक निरीक्षक मनोज यादव नेतृत्वको प्रहरी गस्ती टोलिलाई देखेपछि कार चालकले कार छोडेर फरार भएपछि कारलाई गाजा सहित प्रहरीले आफ्नो नियन्त्रणमा लिएको हो ।
पक्राउ परेको गाजा सहितको कारलाई हिरासतमा राखी घट्नाको विशेष अनुसन्धान भैरहेको तथा फरार चालकको खोजी कार्य समेत भइरहेको बारा प्रहरीले जनाएको छ ।
यता पच्छिलो समय सिमावर्ती क्षेत्रहरूमा अपरधिक गतिविधिहरु बढेकोमा त्यस प्रती संबंधित निकाय गम्भीर हुनुपर्ने आमनागरिकको धारणा रहेको छ ।
