सन्जय गुप्ता// वीरगञ्ज, पौष १३//
वीरगञ्ज उधोग वाणिज्य सङ्घले नेपाल पत्रकार महासङ्घको गत मंसिर २८ गते सप्पन्न निर्वाचनबाट निर्वाचित पदाधिकारी हरुलाई सम्मानित गरेको छ ।
निर्वाचन बाट जिल्ला कार्य समिती पर्सा र प्रदेश तथा केन्द्रिय कार्य समितिमा पर्साबाट निर्वाचित पत्रकार हरुलाई सम्मान गरिएको हो ।
हिजो शुक्रबार उद्योग वाणिाज्य सङ्घ वीरगञ्जको आफ्नै सभाहलमा आयोजित एक सम्मान कार्यक्रममा सङ्घका अध्यक्ष अनिल कुमार अग्रवाल लगायत अन्य पदाधिकारी हरु समेत सहभागी रहेका थिए ।
कार्यक्रममा पर्साबाट केन्द्रिय सचिव (मधेसी) मा निर्वाचित अशोक तिवारी, केन्द्रीय परिषद् सदस्यमा निर्वाचित लालबाबु शेख, राघव साह, विजय कुशवाहा एवम पत्रकार महासङ्घ पर्साको अध्यक्षमा निर्वाचित ओमप्रकाश खनाल लगायत जिल्ला कार्य समितिका पदाधिकारी एवम सदस्यहरुलाई सम्मानित गरिएको हो ।
कार्यक्रममा सम्बोधन गर्दै सङ्घका अध्यक्ष अग्रवालले निजि क्षेत्रका समस्याहरुलाई समेत संबंधित निकाय सम्म पुर्याइ दिनका लागि पत्रकारहरु सङ्ग आग्रह गर्दै पत्रकारको वृती र विकासका लागि नयाँ कार्यसमिति सङ्ग सहकार्य गरेर अघि बढ्न आफूहर तयार रहेको बताएका छन् ।
