मनोज गुप्ता // वीरगञ्ज, पौष १७//
सवारी दुर्घटनामा परि सर्लाहीमा एकजना शसस्त्र प्रहरी निरीक्षकको मृत्यु भएको छ ।
बलरा नगरपालिका वडा नम्बर ९ स्थित बिओपी छतौनामा कार्यरत सशस्त्र प्रहरी निरीक्षक विजय तुलाधरको मृत्यु भएको हो ।
कार्यालय नजिकैको सडकमा राती करिब ९ बजेतिर बा.प्र. ०१-००६ ख २००४ नम्बरको बसले ठक्कर दिएपछि घाइते तुलाधरलाई उपचारका लागि प्रादेशिक अस्पताल मलङ्गवामा लगिएको र उपचारकै क्रममा राती करिब १० बजेतिर उनको मृत्यु भएको हो ।
ठक्कर दिएपश्चात बस त्यही पल्टेको बताइएको छ । घट्नाको विस्तृत अनुसन्धान भैरहेको सर्लाही प्रहरीले जनाएको छ ।
