वीरगञ्ज, चैत २७//
२ किलो ९९ ग्राम लागू औषध अफिम सहित १ जना पुरूष लाई बारा प्रहरीले नियन्त्रणमा लिएको छ ।
पक्राउ पर्नेमा जिल्ला पर्सा बहुदरमाई नगरपालिका- ६ गम्हरिया निवासी ३२ वर्षिय सरोज प्रसाद साह रहेका छन् ।
विशेष सूचनाको आधारमा आज बुधबार बिहान ०७:४० बजे ईलाका प्रहरी कार्यालय अमलेखगंज बाट प्रहरि बरिष्ट नायब निरिक्षक टेक बहादुर कार्कीको कमाण्डमा खटिएको प्रहरी टोलीले बाराको जीतपुर सिमरा उप-महानगरपालिका वडा नं. २१ अमलेखगंज स्थित प्रहरी कार्यालय अगाडी चेक प्वाईन्टमा हेटौंडाबाट वीरगंज तर्फ आउदै गरेका साहले चलाई रहेको प्र.२-०३-००९ प ३८७८ नम्बरको १५० सि.सि.को पल्सर मोटरसाईकललाई रोकी चेक जाँच गर्दा सिटमुनी लुकाई छिपाई लगी रहेको अवस्थामा सो परिमाणमा लागू औषध अफिम जस्तो पदार्थ वरामद गरेको हो ।
बरामद गरिएको अफिम सहित मोटरसाइकल र चालक साह लाई समेत नियन्त्रणमा लिई आवश्यक कानूनी प्रकृया अगाडी बढाईएको बारा प्रहरीले जनाएको छ ।
