आन्दोलनमा रहेका शिक्षकहरुको समस्या बारे नेपाली काङ्ग्रेसका महामन्त्रीद्व्य गगन थापा र विश्वप्रकाश शर्माले आज शनिबार छलफल गरेका छन् ।
सरकार सङ्ग वार्ता गरिसके पछि शिक्षक महासङ्घका अगुवा हरुसङ्ग नेताद्व्यले छ्लफल गरेका हुन । छलफलमा शिक्षकहरुको आन्दोलनमा उठेका मागहरु र त्यसलाई सम्बोधन गर्न सरकारले निर्वाह गर्नुपर्ने भूमिका लगायतका बारेमा कुराकानी भएको बुझिएको छ ।
काङ्ग्रेस सभापति शेरबहादुर देउवाले पनि थापा र शर्मालाई नै शिक्षकहरूसँग समन्वय गर्ने जिम्मेवारी दिएपश्चात यसअघि पनि उनीहरूले शिक्षक महासंघका नेताहरूसँग छलफल गरेका थिए ।
विद्यालय शिक्षा ऐन जारी गर्नुपर्ने भनी मुख्य माग राखि गत चैत २० गतेदेखि राजधानी केन्द्रित आन्दोलनमा रहेका शिक्षकहरू सङ्ग सरकारका प्रतिनिधिहरु सङ्ग पटक पटक वार्ता भएपनी सफल हुन सकेको छैन । तर सर्वोच्च अदालतले दिएको समय सिमा र शिक्षामन्त्री फेरिए सङ्गै सरकार अलि बढी जिम्मेवार देखिएको छ ।
