संजय गुप्ता// वीरगञ्ज, वैशाख २५//
भारतले पाकिस्तानको हवाई प्रतिरक्षा प्रणाली ध्वस्त पारेको दाबी गरेको छ ।
पहलगाममा भएको आतंकवादी आक्रमणको जवाफमा हिजो बुधबारदेखि ‘अपरेसन सिन्दूर’ सुरू गरेको भारतले पाकिस्तानको लाहोरस्थित हवाई प्रतिरक्षा प्रणाली ध्वस्त गरेको बताएको छ ।
भारतिय सेनाले पाकिस्तानका शेरै ठाउँमा राडार लाई लक्षित गरि आक्रमण गरेको भारतिय रक्षामन्त्रालयले जनाएको छ ।
हिजो बुधबार बिहान देखि ‘अपरेसन सिन्दूर’ नामक आक्रमण सुरू गरेको भारतले बुधबार रातिमा पनि पाकिस्तानमाथि आक्रमण जारी राखेको थियो । यता पाकिस्तानले पनि बुधबार रातिदेखि २५ वटा भारतीय ड्रोन खसालेको दाबी गरेको छ । भने उक्त अवधिमा पाकिस्तानले पनि केही क्षेप्यास्त्र र ड्रोन प्रहार गरेको भारतिय सञ्चार माध्यमहरुले जनाएका छन् ।
